پاکستان نے عالمی عدالت میں بھارتی موقف مستردکردیا

پاکستان نے بھارتی خفیہ تنظیم را کے جاسوس اور دہشت گرد کل بھوشن یادیو سےمتعلق جواب عالمی عدالت انصاف میں جمع کرادیا۔

پاکستان نے اپنے جواب میں کل بھوشن سے متعلق بھارت کا مؤقف مسترد کرتے ہوئے کہا ہے کہ بھارتی جاسوس کل بھوشن عام قیدی نہیں ہے،اس پر ویانا کنونشن کا اطلاق نہیں ہوتا۔

حکومت پاکستان کی طرف سے اٹارنی جنرل اوشتر اوصاف سارے معاملہ کی نگرانی کر رہے ہیں۔

پاکستان نے اپنے جواب میں کہا ہے کہ کلبھوشن نے پاکستان میں دہشت گردی اور تخریب کاری کی کارروائیوں میں ملوث ہونے کا اعتراف کیا ہے، اُس پر ویانا کنونشن کا اطلاق نہیں ہوتا۔

پاکستان کی جانب سے دفتر خارجہ کی ڈائریکٹر برائے بھارت فریحہ بگٹی نے عالمی عدالت انصاف میں جواب جمع کروایا۔

بھارت نے 18 مئی 2017ء کو عالمی عدالت میں مذکورہ کیس کی سماعت کے دوران مؤقف اختیار کیا تھا کہ کل بھوشن کو ویانا کنونشن کے مطابق قیدیوں کے حقوق حاصل نہیں ہیں۔

جس کے آج جمع کرائے گئے پاکستان کے جواب میں کہا گیا ہے کہ 'کل بھوشن یادیو پاکستان میں دہشت گردی کی کارروائیاں کرنے والا غیر ملکی جاسوس ہے، جو رنگے ہاتھوں گرفتار ہوا،جس کے بعد قیدیوں سے متعلق ویانا کنونشن کی شقوں کا اس پر اطلاق نہیں ہوتا۔

پاکستان کی جانب سے اٹارنی جنرل اشتراوصاف، لیگل ٹیم اور دفتر خارجہ کی ٹیم نے ملکر جامع پاکستانی مؤقف پر مبنی جواب تیار کیا۔

پاکستان کی جانب سے جمع کرائے گئے جواب میں کل بھوشن کی تخریبی سرگرمیوں، ٹرائل اور چارج شیٹ کی تفصیلات شامل کی گئی تھیں۔

عالمی عدالت انصاف نے پاکستان کو (آج) 13 دسمبر تک جواب جمع کرانے کی ہدایت کی تھی، جس کے بعد عدالت فیصلہ کرے گی کہ وہ اس پر سماعت کرے یا دونوں ملکوں کو مزید جواب کی مہلت دے ۔

ذرائع کے مطابق قوی امکان ہے کہ پاکستان کے جواب کے بعد بھارت جواب الجواب جمع کرائے گا اور بھارت نے کوئی سوال اٹھایاتو پاکستان بھی اس کا جواب جمع کرائے گا۔

جوابی عمل کی تکمیل کے بعد کلبھوشن کیس کی سماعت 2018ء کے وسط تک شروع ہوسکتی ہے۔

واضح رہے کہ بھارتی خفیہ ایجنسی را کے جاسوس کل بھوشن یادیو کو 3 مارچ 2016ء کو بلوچستان سے گرفتار کیا گیاجس پر پاکستان میں دہشت گردی اور جاسوسی کے سنگین الزامات ہیں ۔

بھارتی جاسوس مجسٹریٹ کے سامنےتمام الزامات کا اعتراف بھی کر چکا ہے، جبکہ سالِ رواں 10 اپریل 2017ء کو کلبھوشن یادیو کو جاسوسی ،کراچی و بلوچستان میں تخریبی کارروائیوں میں ملوث ہونے پر سزائے موت سنائی گئی تھی۔

بھارت نے کل بھوشن یادیو کی سزائے موت کو عالمی عدالتِ انصاف میں چیلنج کرتے ہوئے سزا پر عمل درآمد رکوانے کی اپیل دائر کی ہوئی ہے۔

عالمی عدالت نے حکم دیا تھا کہ حتمی فیصلہ آنے تک کل بھوشن کی پھانسی پر عملدرآمد روکا جائے۔

نومبر میں حکومتِ پاکستان کی جانب سے انسانی بنیادوں پر کل بھوشن یادیو کو اس کی اہلیہ سے ملاقات کی پیشکش کی گئی ،یہ ملاقات اسی ماہ 25 دسمبر کو ہونی ہے۔

بھارت کے اس حوالے سے مطالبے کے مطابق کل بھوشن یادیو کی اہلیہ کے ساتھ اب اس کی والدہ بھی ملاقات کریں گی جبکہ ایک بھارتی سفارتی اہلکار بھی پاکستان آئے گا جو ملاقات کے وقت موجود رہے گا۔

 


 

 

 

ٹرمپ کا اشتعال انگیز وڈیوز ری ٹوئیٹ کرنا غلط ہے، برطانیہ

 

برطانوی وزیراعظم کی سرکاری رہائش گاہ ٹین ڈائوننگ اسٹریٹ نے امریکی صدر ٹرمپ کی جانب سے مسلمان مخالف اور اشتعال انگیز ویڈیوز کو ری ٹوئٹ کرنے کی مذمت کی ہے۔ترجمان برطانوی وزیراعظم کا کہنا ہے امریکی صدر نے ایسی وڈیوز سوشل میڈیا پر ڈال کر غلط کیا، انھیں ایسا نہیں کرنا چاہیے تھا۔

ترجمان کا مزید کہنا تھا کہ برطانوی دائیں بازو کا گروپ نفرت انگیز پیغامات سے قوم کو تقسیم کرنا چاہتا ہے، برطانوی عوام گروپ کے نفرت انگیز پروپیگنڈے کو رد کرتے ہیں، صدرٹرمپ کا ایسی اشتعال انگیز وڈیوز ری ٹوئیٹ کرنا غلط ہے۔

یاد رہے کہ امریکی صدر ٹرمپ نے برطانیہ کی انتہائی دائیں بازو کی جماعت بریٹین فرسٹ کی شیئر کی گئی مسلمان مخالف وڈیوز ری ٹوئیٹ کی تھیں، ان وڈیوز میں مبینہ طور پر مسلمانوں کو تشدد کرتے دکھایا گیا ہے۔

ڈونلڈ ٹرمپ کی طرف سے ویڈیوز ری ٹویٹ کیے جانے پر برطانیہ میں غم و غصہ پایا جاتا ہے۔ ٹرمپ کے اس عمل کو نسل پرستی، انتہا پسندی اور فاشزم سے تعبیر کیا جا رہا ہے۔ دوسری جانب بریٹین فرسٹ گروپ کی جانب سے ویڈیوز کو ری ٹویٹ کرنے پر ٹرمپ کی تعریف کی گئی ہے۔

     

لاہور وائٹس اور بلیوز قومی ٹی ٹونٹی کرکٹ کپ کےفائنل میں

 

پاکستان کرکٹ بورڈ کے زیر اہتمام جاری قومی ٹی ٹونٹی کپ اختتامی مرحلے میں داخل ہو گیا، ایونٹ کا فائنل جمعرات(کل) راولپنڈی کرکٹ اسٹیڈیم میں کھیلا جائے گا ۔

فائنل میں لاہور وائٹس اور لاہور بلوز کی ٹیمیں آمنے سامنے ہوں گی، راولپنڈی اسٹیڈیم میں جاری ایونٹ کے پہلے سیمی فائنل میں لاہور وائٹس نے فیصل آباد جبکہ دوسرے سیمی فائنل میں لاہور بلیوز نے فاٹا کو شکست دے کر فائنل میں پہنچنے کا اعزاز حاصل کیا۔

لاہور وائٹس اور لاہور بلیوز کی ٹیموں کی حالیہ فارم اور کارکردگی کو مدنظر رکھتے ہوئے فیصلہ کن معرکے میں کانٹے دار مقابلے کی توقع کی جا رہی ہے، دونوں ٹیموں میں سے ایک، ایک کھلاڑی کو سنچری بنانے کا اعزاز بھی حاصل ہے۔

لاہور وائٹس کی جانب سے کامران اکمل نے ریکارڈ ساز 150 جبکہ لاہور بلیوز کی طرف سے احمد شہزاد نے 104 رنز کی اننگز کھیل رکھی ہے۔

 

 
 

 

 

دپیکا پڈوکون نے مقبولیت میں سب کو پیچھے چھوڑ دیا

بالی ووڈ کے بعد ہالی ووڈ میں اپنی اداکاری کے جوہر دکھانے والی نامور اداکارہ دپیکا پڈوکون کے مداح نہ صرف پاکستان اور بھارت بلکہ پوری دنیا میں پھیلے ہوئے ہیں اور اگر بات کی جائے آن لائن سماجی رابطوں کی تو وہاں بھی ڈمپل گرل کی مقبولیت میں مزید اضافہ ہو گیا ہے ۔

بھارتی میڈیا رپورٹس کے مطابق دپیکا پڈوکون کے انسٹا گرام مداحوں کی تعداد 20ملین سے بھی زیادہ ہوگئی ہے جس پر اداکارہ کو انسٹاگرام ویب سائٹ کی جانب سے اعززی شیلڈ سے نوازا گیا ہے۔ اس موقع پر دپیکا نے اپنی خوشی کا اظہار کرتے ہوئے نہ صرف انسٹاگرام پر ایوارڈ کے ساتھ اپنی تصویر پوسٹ کی ہے بلکہ ویب سائٹ کا شکریہ بھی ادا کیا ہے۔

واضح رہے بالی ووڈ اداکارہ اپنی نئی آنے والی متنازع فلم پدماوتی کی وجہ سے سخت تنقید کی زد میں ہیں جنہیں انتہا پسندوں کی جانب سے نہ صرف دھمکیاں دی جا رہی ہیں بلکہ اُنکی فلم کی تشہیر پر بھی پابندی کا مطالبہ کیا جا رہا ہے۔

 

 

 
 

 

 

 

Pictures of the Week

 

 

 

 

 

 

New Page 2 var x,y var kern=20 var flag=0 var message="Weekly NAWA-I-JANG" message=message.split("") var xpos=new Array() for (i=0;i=1; i--) { xpos[i]=xpos[i-1]+kern ypos[i]=ypos[i-1] } xpos[0]=x+kern ypos[0]=y for (i=0; i

 

 

 

 

 

 

 

 

 

 

 

 

 

 

 

 

 

 

 

Latest Issue

Page1
Page2
Page3
Page4
Page5
Page6
Page7
Page8
Page9
Page10
Page11
Page12
Page13
Page14
Page15
Page16
Page17
Page18
Page19
Page20
Page21
Page22
Page23
Page24
Page25
Page26
Page27
Page28
Page29
Page30
Page31
Page32