مری ؛ سوشل میڈیا پر مری کے برفانی طوفان میں پھنسنے والے سیاحوں کی جانب سے الزام عائد کیا جا رہا ہے کہ ہوٹل مالکان نے ایک رات کا کرایہ 20 سے 50 ہزار روپے تک وصول کیا۔ اس حوالے سے اب ایک صحافی نے ہوٹل کی رسید بھی شیئر کردی ہے جس سے صورت حال کو سمجھنے میں کافی مدد ملتی ہے۔
صحافی نورالعین دانش نے مری کے ایک ہوٹل کی رسید شیئر کی ہے جس میں دیکھا جاسکتا ہے کہ فیملی سے 20 ہزار روپے کرایہ وصول کیا گیا۔ صحافی نے کہا ” مری کی قیامت خیز رات میں بغیر ہیٹر اور گرم پانی کے ایک کمرے کا 20 ہزار کرایہ ،ساتھ اگلے روز بارہ بجے کمرہ خالی کرنے کا حکم بھی دیا گیا۔ہوٹل کا کارڈ بل سمیت موجود ہے ، اب دیکھتے ہیں انتظامیہ اس پر کیا ایکشن لے سکتی ہے۔”
مری کی قیامت خیز رات میں بغیر ہیٹر اور گرم پانی کے ایک کمرے کا 20 ہزار کرایہ ،ساتھ اگلے روز بارہ بجے کمرہ خالی کرنے کا حکم بھی ساتھ دیا گیا۔ہوٹل کا کارڈ بل سمیت موجود ہے ، اب دیکھتے ہیں انتظامیہ اس پر کیا ایکشن لے سکتی ہے@CS_Punjab @OfficialDPRPP #Murree #murreetragedy pic.twitter.com/F7PddYY8Vn
— Noorulamin Danish (@Noorulamin000) January 9, 2022
خیال رہے کہ جمعہ کو مری میں آنے والے برفانی طوفان کے باعث 22 افراد جان سے ہاتھ دھو بیٹھے۔ سوشل میڈیا پر انتظامیہ کے ساتھ ساتھ مری کے ان بے حس ہوٹل مالکان کو بھی اس سانحے کا ذمہ دار قرار دیا جا رہا ہے جنہوں نے راتوں رات کرایوں میں کئی گنا اضافہ کردیا جس کے باعث لوگ سڑکوں پر مرنے لگے۔
