اسلام آباد :عالمی وباء کورونا وائرس کی روک تھام کیلئے بنائے گئے فیصلہ ساز ادارے نیشنل کمانڈ اینڈ آپریشن سینٹر نے ویکسی نیشن کے لیے اہل عمر 15 سال اور اس سے زیادہ کر دی۔ تفصیلات کے مطابق این سی او سی کے سربراہ اسد عمر نے سماجی رابطوں کی ویب سائٹ ٹوئٹر پر اپنے ایک پیغام میں بتایا کہ آج این سی او سی کی میٹنگ میں فیصلہ کیا گیا ہے کہ کوویڈ ویکسی نیشن کے لیے اہل عمر کو 15 سال اور اس سے زیادہ کر دیا جائے ، یکم ستمبر سے 17 سال کی عمر کے شہریوں کی ویکسی نیشن شروع ہو جائے گی جب کہ 15 اور 16 سال کی عمر والے افراد کے لیے ویکسی نیشن شروع کرنے کی تاریخ کا اعلان بعد میں کیا جائے گا۔
Have decided in NCOC meeting today to lower the eligible age for covid vaccination to 15 years and older. Starting September 1, vaccination of 17 years old will start. For 15 and 16 years old start date will be announced later.
— Asad Umar (@Asad_Umar) August 24, 2021