لاہور : پنجاب کے وزیر داخلہ کے عہدے سے مستعفی ہونے والے ہاشم ڈوگر نے وزارت چھوڑنے کی وجہ بتا دی۔ تفصیلات کے مطابق سماجی رابطوں کی سائٹ ٹوئٹر پر جاری کردہ ایک بیان میں انہوں نے کہا کہ میرے استعفے کے حوالے سے غلط خبریں گردش کر رہی ہیں، چیئرمین عمران خان نے کسی بات کا حکم نہیں دیا، میں نے ذاتی وجوہات پر استعفیٰ دیا، عمران خان میرے لیڈر ہیں اور رہیں گے، ہمیشہ عمران خان کا وفادار رہوں گا۔
یہ بالکل غلط خبر ہے۔ عمران خان میرے لیڈر ہیں اور ہمیشہ رہیں گے۔ چئیرمین نے کبھی ایسی بات کا حکم نہیں دیا۔ میں نے زاتی وجوہات پہ استعفی دیا ہے اور ہمیشہ خان کا وفادار رہوں گا pic.twitter.com/PFiEs6nwmf
— Col (R) Muhammad Hashim| Home Minister Punjab. (@ColhashimDogar) October 11, 2022
ادھر ہاشم ڈوگر کی جانب سے صوبے کی وزارت داخلہ چھوڑنے کے بعد نئے وزیر داخلہ کے نام کا باقاعدہ اعلان جلد متوقع ہے، عمران خان کی منظوری کے بعد میاں اسلم اقبال کو پنجاب کا وزیر داخلہ بنانے کا باقاعدہ اعلان کیا جائے گا۔