لاہور : ایک دن کمی کے بعد انٹربینک میں ڈالر کی قیمت میں ایک بار پھر 25 پیسے اضافہ ہو گیا۔ 25 پیسے اضافے کے بعد انٹربینک میں ڈالر کی قیمت 207 روپے 48 پیسے ہو گئی۔
یاد رہے کہ گزشتہ روز امریکی کرنسی میں 2 ماہ بعد بڑی کمی آئی تھی، کاروباری ہفتے کے چوتھے روز کے دوران انٹربینک میں ڈالر 4 روپے 70 پیسے سستا ہوا تھا۔
دوسری جانب اوپن مارکیٹ میں 4 روپے کمی ہوئی تھی جس سے اوپن مارکیٹ میں ڈالر 209 روپے 5 پر ٹریڈ ہوا تھا۔ادھر سٹاک مارکیٹ سٹاک ایکس چینج میں بھی 1987 پوائنٹس کی کمی ہوئی ہے، 100 انڈیکس 40 ہزار 801 پوائنٹس کی سطح پر آگیا۔
