گزشتہ جمعرات کو بھائی نے شادی کی شیروانی پہنی اور آج کفن پہن لیا

کراچی:بدھ کے روز کراچی کے علاقے کشمیر روڈ پر انتہائی افسوسناک واقعہ پیش آیا جہاں ڈکیتی کی واردات کے دوران ایک روز قبل شادی کرنے والے نوجوان کو قتل کر دیا گیا۔اچانک ہونے والے واقعے سے خوشیوں بھرا گھر ماتم میں تبدیل ہو گیا۔شاہ رخ نامی نوجوان کے بھائی کا کہنا ہے کہ واقعے کے وقت سامنے گارڈ بنکر بیٹھا تھا لیکن تماشہ دیکھتا رہا، اس کے پاس بندوق بھی موجود تھی،کوشش کرتا تو بھائی کی جان بچ سکتی تھی،وہ حملہ آوروں کو مار بھی سکتا تھا اور بھگا بھی سکتا تھا۔

جب میرے بھائی کو گولی لگ گئی تب وہ سامنے آیا۔انہوں نے مزید کہا کہ میرے بھائی کی کسی سے دشمنی نہیں تھی،ہنستا کھیلتا بچہ تھا،گزشتہ جمعرات کو شادی کی شیروانی پہنی اور آج کفن پہن لیا

خیال رہے کہ شمیر روڈ پر واقع ایک گھر کے باہر موجود 2 خواتین کو ایک ڈاکو نے پستول دکھا کر لوٹنے کی کوشش کی۔
اسی دوران گھر کے اندر سے ایک نوجوان باہر نکلا اور فوری ڈاکو پر جھپٹ پڑا۔

اس دوران ڈکیت نے نوجوان پر گولیاں چلا دیں اور خواتین کو لوٹ کر فرار ہو گیا۔ پولیس کے مطابق نوجوان کی ایک روز قبل ہی شادی ہوئی تھی، جبکہ جن خواتین کے سامنے اس کا قتل ہوا، وہ مقتول کی والدہ اور بہن ہیں۔

پولیس کے مطابق قاتل کی تلاش جاری ہے۔

اپنا تبصرہ بھیجیں