’لاہور کا حشر دیکھ کر آپکی یاد آتی ہے‘، خاتون کا شہباز شریف سے دلچسپ مکالمہ

کراچی: ’لاہور کا حشر دیکھ کر آپکی یاد آتی ہے، چاہتی ہوں کہ اگلی مرتبہ پورے پاکستان میں آپ کی حکومت ہو،‘ کراچی ائیرپورٹ پر خاتون کا شہباز شریف سے مکالمہ، ویڈیو وائرل۔ تفصیلات کے مطابق سابق وزیراعلیٰ پنجاب اور مسلم لیگ (ن) کے صدر شہباز شریف اور ایک خاتون کے درمیان کراچی ائیرپورٹ پر دلچسپ مکالمہ ہوا ہے۔

شہباز شریف ایک روزہ دورے پر کراچی پہنچے تھے جہاں انہوں نے سردار اختر مینگل سے ان کے والد کے انتقال پر تعزیت کی۔اسلام آباد روانگی کیلئے شہبازشریف کراچی ائیرپورٹ پہنچے جہاں ان کا ایک خاتون سے دلچسپ مکالمہ ہوا۔خاتون کا کہنا تھاکہ لاہور کا حشر کر دیا ہے، کچرا دیکھ دیکھ کر دل خراب ہوتا ہے، لاہور کا حشر دیکھ کر آپ کی یاد آتی ہے اور آپ سے مل کر خوشی ہوئی۔

کراچی ائیرپورٹ پر ایک خاتون کا شہباز شریف صاحب سے مکالمہ#نعرہ_شہبازشریف_شیرشہبازشریف pic.twitter.com/kgVxDeSWdP

— Cʜ 𝐀ᴅɴᴀɴ 𝐒ᴀʀᴡᴀʀ 𝐒ɪᴀʟᴠɪ™ (@AdnanSialvi) September 19, 2021