بارہ اپریل کو احساس کفالت پروگرام کی سہ ماہی قسط کی ادائیگی شروع کی جائے گی

نوشہرو فیروز(رانا ندیم انجم):۔ ڈپٹی کمشنر نوشہروفیروز کیپٹن ریٹائرڈ بلال شاہد را نے ایک اعلامیہ میں بتایا ہے کہ 12 اپریل 2021 بروز پیر سے ضلع نوشہروفیروز کی مستحق خواتین میں بینظیر انکم سپورٹ کے احساس کفالت پروگرام کی سہ ماہی قسط کی ادائیگی شروع کی جائے گی۔اس سلسلے میں ضلع بھر میں قائم مراکز کے علاوہ تحصیل بھریا میں گورنمنٹ بوائز ہائی اسکول ٹھارو شاہ کو تبدیل کرکے گورنمنٹ بوائز اردواسکول ٹھاروشاہ میں قائم کیا گیا ہے،جبکہ تحصیل مورو کے مرکز گورنمنٹ گرلز ماروی کالج مورو کو ختم کیا گیا ہے۔رقم کی تقسیم کے دوران امن و امان برقرار رکھنے اور کسی بھی ناخوشگوار واقعے کو روکنے کے لئے پولیس اور رینجرز کے دستے تعینات کئے جائیں گے۔

اپنا تبصرہ بھیجیں