کابل : افغانستان میں طالبان کے آنے کے بعد تقریباً تمام ممالک نے اپنے سفاتخانے بند کردیے لیکن ان حالات میں بھی سفارت خانہ کھلا رکھنے اور ویزا دینے پر افغان شہری پاکستان کو دعائیں دینے لگے۔ تفصیلات کے مطابق میڈیا سے گفتگو میں افغان شہری نے بتایا کہ پاکستان کے علاوہ باقی سارے سفارت خانے بند ہیں ، صرف پاکستان کا سفارت خانہ ویزا لگا کر دے رہا ہے ، خراب حالات میں بھی ویزا فراہمی پرشکر گزار ہیں ، کیوں کہ خراب صورتحال کے باوجود پاکستانی سفارتخانے کا عملہ تندہی سے کام کر رہا ہے۔
ہم پاکستان کے شکرگزار ہیں کہ افغانستان میں پاکستان کا سفارتخانہ کھلا ھوا ھے ویزے دینے کیلئے
افغان شہری 👇 pic.twitter.com/QtGb7mbsbN— Rana Bilal, Embroidery Designer 🇵🇰 (@bilal5027Ahmad) August 18, 2021
خیال رہے کہ افغانستان چھوڑ کر باہر جانے کے لیے لوگوں میں شدید بے چینی پائی جارہی ہے ، یہی وجہ ہے کہ کابل ائیرپورٹ پر افراتفری عروج پر تھی ، اس دوران کابل سے نکلنے کی کوشش میں 3 نوجوان موت کے منہ میں چلے گئے ، تین نوجوانوں نے جہاز کے ٹائروں میں چھپ کر کابل سے نکلنے کی کوشش کی ، اس دوران تینوں نوجوان جہاز سے گر گئے جس کی ویڈیو بھی سوشل میڈیا پر وائرل ہوئی۔