کراچی : پی ایس ایل 6 پر کورونا وائرس کے وار، مزید 3 ارکان کا ٹیسٹ مثبت آ گیا جس کے بعد کورونا متاثرین کی تعداد 4 ہو گئی ہے۔ ڈائریکٹر میڈیا انصاربرنی نے کہا کہ تمام کھلاڑیوں کے کورونا ٹیسٹ دوبارہ کئے جا رہے ہیں، 3 افراد کی کورونا ٹیسٹ رپورٹ مثبت آئی، معاملے کو کسی کی کوتاہی کہنا مناسب نہیں، کل سے 244 پی سی آر ٹیسٹ کروائے ہیں۔
انہوں نے کہا کہ ٹیسٹ پازیٹو آنے والے چاروں ارکان کو بہترین سہولیات دی جا رہی ہیں، ان کا اپنی فیملیز اور بورڈز سے رابطہ ہے۔
نئے تین پازیٹو میں سے ایک کا تعلق اسلام آباد یونائیٹڈ ،ایک کا کوئٹہ گلیڈی ایٹرز اور 2 کا الگ الگ ٹیموں سے ہے۔ذرائع کے مطابق کراچی کنگز کے بیٹنگ کوچ اور سابق ٹیسٹ کرکٹر فیصل اقبال بھی کورونا کا شکار ہوگئے ہیں ۔
