جکارتہ :انڈونیشیا ءمیں ”سری ویجایا ایئر لائن “ کا مسافرطیارہ لاپتہ ہو گیاہے جس میں 59 مسافر سوار تھے ، طیارے کے سمندر میں گر کر تباہ ہونے کے خدشے کا اظہار کیا جارہاہے ۔
تفصیلات کے مطابق سری ویجایا ایئر لائن کے مسافر طیارے بوئنگ 777” ایس جے 182 “ نے انڈونیشیاءکے دارلحکومت حکومت جکارتہ سے پونتیانک جانے کیلئے پرواز بھری تھی ،اُڑان بھرنےکے کچھ دیر بعد طیارے کا رابطہ 2 بج کر 40 منٹ پر کنٹرول ٹاور سے منقطع ہو گیا ۔ جس وقت رابطہ منقطع ہوا پرواز دس ہزار کی بلندی برقرار رکھے ہوئے تھی ۔
Sriwijaya Air flight #SJ182 lost more than 10.000 feet of altitude in less than one minute, about 4 minutes after departure from Jakarta.https://t.co/fNZqlIR2dz pic.twitter.com/MAVfbj73YN
— Flightradar24 (@flightradar24) January 9, 2021
طیارے میں 59 افراد سوار تھے جن میں دو پائلٹ، چار کیبن کریو اور پانچ بچے بھی شامل ہیں۔غیر ملکی میڈیا کے مطابق طیارے کے سمندر میں گر کر تباہ ہونے کا خدشہ پیدا ہو گیاہے ۔انڈو نیشیاءکے مقامی میڈیا میں کچھ غیر مصدقہ تصاویر گردش کر رہی ہیں جس میں کچھ ملبہ دکھایا گیاہے جو کہ پانی میں تیرتا ہوا ساحل سمندر پر پہنچاہے ۔
Serpihan pesawat nyaaa#SJ182 pic.twitter.com/tqLj6jzWVc
— deknia. (@niaaaloey) January 9, 2021
بتایا گیاہے کہ سری ویجایا کا طیارہ 26 سال پرانا تھا اور اس نے اپنی پہلی پرواز 1994 میں کی تھی ، طیارے کا رجسٹریشن نمبر PK-CLC (MSN 27323) ہے ۔انڈونیشیاءکی وزارت برائے ٹرانسپورٹیشن کی ترجمان ادیتا اراوتی نے طیارے کے لاپتہ ہونے کی تصدیق کر دی ہے ،ان کا کہناہے کہ طیارے سے متعلق مزید معلومات اکھٹی کی جارہی ہیں ۔ڈوچے نیوز کا کہناہے کہ ابھی تک طیارے کے کریش ہونے کی کوئی باضابطہ تصدیق سامنے نہیں آ سکی ہے ، ” تھاوزینڈ آئی لینڈز “ کے ریجنٹ کا کہنا ہے کہ اسے معلومات ملی ہیں ” میل آئی لینڈ “ کے قریب کوئی چیز گر کر تباہ ہوئی ہے ۔