نئی دہلی: بھارت میں 200کروڑ روپے کی منی لانڈرنگ کے کیس میں سری لنکن نژاد بالی ووڈ اداکارہ جیکولین فرنینڈس سے بھی دو روز قبل 5گھنٹے طویل پوچھ گچھ کی گئی تھی۔ تاہم بتایا گیا تھا کہ جیکولین فرنینڈس اس کیس میں ملزم نہیں ہیں بلکہ انفورسمنٹ ڈائریکٹوریٹ کی طرف سے ان سے بطور گواہ بیان لیا گیا۔
View this post on Instagram
اس حوالے سے خود جیکولین فرنینڈس کا کہنا ہے کہ منی لانڈرنگ کرنے والے اس گروہ نے انہیں اپنا شکار بنایا ۔ اداکارہ کا کہنا تھا کہ ”اس گروہ کے ملزم کی طرف سے مجھے تحفے میں چاکلیٹ اور پھول ملتے رہے تاہم وہ شخص مجھے نام بدل کر یہ تحائف بھیجتا تھا۔میں اس کے جھانسے کا شکار ہوئی۔“
View this post on Instagram
رپورٹ کے مطابق منی لانڈرنگ کرنے والا یہ گروہ چندر شیکھر نامی شخص شلا رہا تھا، جس پر بھارت کے الیکشن کمیشن کو رشوت دینے کا الزام بھی عائد کیا گیا ہے۔ چندر شیکھر ہی اداکارہ کو تحائف بھیجتا رہا تھا۔ انفورسمنٹ ڈائریکٹوریٹ کے ذرائع نے بتایا ہے کہ ”اداکارہ جیکولین ملزم سکیش چندرشیکھر کے ریڈار پر تھی،
View this post on Instagram
جو کہ اس گروپ کا ماسٹرمائنڈ ہے۔ اداکارہ اس کیس میں ملزمہ نہیں ہے بلکہ اس نے چندر شیکھر کے خلاف بطور گواہ بیان دیا ہے۔“ ذرائع کا کہنا تھا کہ 36سالہ اداکارہ نے اپنے اس بیان میں ملزم کے خلاف انتہائی اہم معلومات دی ہیں۔ذرائع کے مطابق چندر شیکھر نے بالی ووڈ کے ایک اور چوٹی کے اداکار کو بھی نشانہ بنایا، تاہم سکیورٹی وجوہات کی بناءپر اس اداکار کا نام ظاہر نہیں کیا جا سکتا۔
View this post on Instagram