hareem shah

حریم شاہ سے شادی نہیں ہوئی، متعدد وزرا حلف اُٹھا کر بیگمات کو یقین دلانے لگے

کراچی : پاکستان کی معروف ٹک ٹاکر حریم شاہ نے پاکستان پیپلز پارٹی کے رکن سندھ اسمبلی سے شادی کا دعویٰ کیا تھا جس کے بعد سے ہی حریم شاہ کے شوہر کے حوالے سے کئی چہ مگوئیاں ہوئیں جبکہ سوشل میڈیا پر ایک نئی بحث کا آغاز ہو گیا کہ آخر وہ کون رکن سندھ اسمبلی ہے جس سے حریم شاہ رشتہ ازدواج میں منسلک ہو گئی ہیں۔

یہی نہیں حریم شاہ کے دعوے کے بعد ہر وزیر کی بیگم اپنے شوہر پر شک کرنے لگی ہے ۔ حریم شاہ کی شادی کی خبر نے کشمورسے کراچی تک کابینہ اراکین کومشکوک کردیا ہے ۔ متعدد وزرا نے تو حلف اُٹھا کر بیگمات کو یقین دلایا کہ انہوں نے حریم شاہ سے شادی نہیں کی۔ یاد رہے کہ پاکستان کی معروف ٹک ٹاکر حریم شاہ نے پاکستان پیپلز پارٹی کے رہنما اور رکن سندھ اسمبلی سے شادی کا دعویٰ کیا جس کے بعد حریم شاہ کے اکاؤنٹ سے ایک تصویر بھی شئیر کی گئی جس میں ایک ہاتھ حریم شاہ کا اور ایک اُن کے شوہر کا تھا۔

اس تصویر سے متعلق اب معلوم ہوا کہ یہ تصویر حریم شاہ اور اُن کے شوہر کی نہیں بلکہ حریم شاہ کے ڈرائیور اور ڈرائیور کی دوست کی ہے۔ حریم شاہ کی پیپلز پارٹی کے رکن سندھ اسمبلی سے شادی کی گونج سندھ اسمبلی میں بھی سنائی دی۔

سندھ اسمبلی کے اجلاس میں کسی وزیر نے اسے حریم شاہ کا ذاتی معاملہ قرار دے دیا تو کئی اراکین اسمبلی نے اپنے ہاتھ دکھا کر ہاتھوں میں انگوٹھی نہ ہونے کی تصدیق کروائی۔ یہی نہیں حریم شاہ نے جب سے پاکستان پیپلز پارٹی کے رہنما اور رکن سندھ اسمبلی سے شادی کا دعویٰ کیا تب سے ہی اراکین سندھ اسمبلی ایک دوسرے کو فون کر کے پوچھ رہے ہیں۔ فون کالز کا سلسلہ شروع ہونے کے ساتھ ساتھ اراکین نے اپنے ہاتھوں کی تصاویر بھی گروپس میں شئیر کیں۔

دوسری جانب سوشل میڈیا پر حریم شاہ کے شوہر سے متعلق اندازے لگانے کا سلسلہ جاری ہے تاہم آج صبح حریم شاہ نے ایک ویڈیو پیغام جاری کیا جس میں انہوں نے کہا کہ میرا نام کسی بھی شخص کے ساتھ نہ جوڑا جائے ، اس سے قبل نہ میرا کوئی بوائے فرینڈ تھا نہ میرا کوئی تعلق تھا برائے مہربانی میری تصاویر مختلف لوگوں کے ساتھ شیئر نہ کی جائیں۔خیال رہے کہ شادی کے اعلان کے بعد حریم شاہ کا یہ پہلا ویڈیو پیغام ہے

اپنا تبصرہ بھیجیں