ساہیوال فائرنگ، سی ٹی ڈی کی ساری کہانی فرضی نکلی .

ساہیوال میں پولیس مقابلے کی کاؤنٹر ٹیررازم ڈیپارٹمنٹ (سی ٹی ڈی) کی ساری کہانی جھوٹ نکلی۔
جیو نیوز کے سینئر صحافی حامد میر کے مطابق تحقیقات اور شواہد کی بنیاد پر ضلعی انتظامیہ اور قانون نافذ کرنے والے اداروں نے وزیراعلیٰ پنجاب عثمان بزدار کو سب کچھ بتادیا۔داعش رہنمائوں کی گرفتاری کے لئے مبینہ پولیس مقابلے کی سی ٹی ڈی کی کہانی جھوٹ نکلی ہے۔
جس کے بعد وزیراعلیٰ پنجاب عثمان بزدار نے ساہیوال میں مبینہ مقابلہ کرنے والے سی ٹی ڈی اہلکاروں کو حراست میں لینے کا حکم دیا۔یہ انکشاف بھی سامنا آیا ہے کہ پولیس نے کرائم سین کو محفوظ کرنے کےلئے کوئی کام نہیں کیا،پولیس کے اس اقدام کو شواہد مسخ کرنے کی کوشش قرار دیا جارہا ہے۔
میڈیا سے گفتگو میں عینی شاہدین نے اس بات کی ایک بار پھر توثیق کی کہ کار سواروں نے کوئی فائرنگ نہیں کی اور نہ ہی کوئی مزاحمت کی گئی۔