مظرآباد : بیٹی کا میک اپ نہ کرنے پر ماں نے بیوٹیشن پر تیزاب پھینک دیا۔انڈپنڈنٹ اردو کی رپورٹ کے مطابق آزاد کشمیر کے دارالحکومت مظفرآباد میں پولیس نے ایک 40 سالہ خاتون کو حراست میں لیا ہے۔خاتون پر الزام ہے کہ انہوں نے بیوٹیشن پر تیزاب سے حملہ کیا جس سے ان کا جسم بری طرح جھلس گیا۔مظفرآباد پولیس کے اہلکار کے مطابق یہ واقعہ ہفتے کے روز شہر کے نواحی علاقے شاہناڑہ میں پیش آیا،جہاں طارق آباد کی رہائشی 32 سالہ خاتون پر برقع پوش نامعلوم خاتون نے اس وقت تیزاب پھینکا جب وہ مظفرآباد کی مدینہ مارکیٹ میں واقع بیوٹی پارلر پر اپنا کام ختم کر کے پیدل گھر جا رہی تھیہ۔
انہوں نے مزید بتایا کہ متاثرہ خاتون کا چہرہ محفوظ رہا تاہم ان کے جسم کے کئی حصے تیزاب سے بری طرح متاثر ہوئے جس کا اعلاج مظفر آباد کے ایک سرکاری اسپتال میں جاری ہے۔
حملہ آور خاتون کی شناخت فوری طور پر نہیں ہو سکی تاہم پولیس نے خاتون کو چند گھنٹوں میں ہی گرفتار کر لیا۔ملزمہ کی عمر 40 سال کے لگ بھگ ہے ۔ملزمہ نے پولیس کو ابتدائی تفتیشی بیان میں بتایا کہ بیوٹیشن نے ان کی بیٹی کی منگنی پر میک اپ سے انکار کیا تھا اور ان کی بیٹی کو بدصورت ہونے کے طعنے دئیے تھے۔
لہذا وہ اس بات دلبرداشتہ تھی اور بدلہ لینے کا فیصلہ کیا۔پولیس کے مطابق متاثرہ بیوٹیشن ہفتے کے روز کام ختم کرکے جب اپنے گھر جانے کے لیے نکلیں تو ملزمہ نے ان کا پیچھا شروع کر دیا اور سنسان گلی میں پہنچ کر پاس موجود تیزاب بیوٹیشن پر انڈیل دیا۔ملزمہ بیوٹیشن کے چہرے پر تیزاب ڈالنا چاہتی تھی مگر جلد بازی میں کامیاب نہ ہو سکیں۔ملزمہ متاثرہ خاتون کا موبائل فون بھی چھین کر لے گئیں تاکہ وہ کسی کو فون کال نہ کر سکیں۔
علاوہ ازیں متاثرہ خان کا اعلاج کرنے والے ایک ڈاکٹر کا کہنا ہے کہ تیزاب سے ان کے جسم کے کئی اعضا کو نقصان پہنچا تاہم ان کا چہرہ محفوظ رہا۔ملزمہ کے خلاف اے پی سی کی دفعہ 336 بی کے تحت مقدمہ درج کر لیا گیا ہے اور وہ سٹی پولیس اسٹیشن کے زنانہ حوالات میں بند ہیں۔
