بھارت میں کورونا کی شدت نے پورے ہندوستان کو اپنی لپیٹ میں لےل

نئی دہلی : ہندوستان میں کورونا وائرس نے اپنے پنجے گاڑ لئے ہیں اور عالمی وبا کی پھیلتی ہوئی شدت سےصورتحال انتہائی تشویش ناک ہو گئی ہے ،گذشتہ 24 گھنٹوں میں بھارت میں کورونا کے 52 ہزار سے زائد نئے کیسز سامنے کے بعد متاثرین کی تعداد پندرہ لاکھ 83 ہزار سے تجاوز کر گئی ہے۔

بھارتی میڈیا کے مطابق ہندوستان میں کورونا وبا کی صورتحال انتہائی تشویش ناک ہو گئی ہے اور گذشتہ 24 گھنٹوں کے دوران 52 ہزار سے زیادہ نئے کیسز سامنے آنے سے متاثرین کی تعداد 15.83 لاکھ سے تجاوز کر گئی ہے۔بھارتی وزارت صحت کے مطابق پچھلے 24 گھنٹوں کے دوران کورونا انفیکشن کے 52123 کیسز رپورٹ ہوئے ہیں جبکہ متاثرہ افراد کی تعداد پندرہ لاکھ تراسی ہزار سات سو باون ہو گئی ہے۔

ضرور پڑھیں   جنگی جنون میں مبتلا بھارت مکمل طور پر پاگل ہوگیا، اپنی تاریخ کا سب سے خطرناک میزائل چلا دیا

بھارت میں گذشتہ چوبیس گھنٹوں میں775 افراد جان کی بازی ہار چکے ہیں جس کے بعد بھارت میں کورونا سے ہلاک ہونے والوں کی مجموعی تعداد 34 ہزار نو سو اڑسٹھ ہو گئی ہے ۔گذشتہ چوبیس گھنٹوں میں بھارت میں کورونا سے صحت یاب ہونے والے افراد کی تعداد 32ہزارپانچ سو تریپن ہے جس کے بعد موذی مرض سے نجات حاصل کرنے والے مریضوں کی مجموعی تعداد دس لاکھ بیس ہزار پانچ سو اٹھائیس بتائی جا رہی ہے۔بھارت میں کورونا کے فعال کیسز کی تعداد باون لاکھ آٹھ ہزار دو سو بیالیس ہو گئی ہے ۔

بھارت کی مشہور ریاست مہاراشٹر کورونا سے سب سے زیادہ متاثر ہوئی ہے جبکہ کرناٹک،دہلی، ہماچل پردیش، دادر و نگر حویلی اور دمن و دیو، میگھالیہ اور میزورم سمیت دیگر ریاستوں میں کورونا مریضوں کی تعداد میں اضافہ دیکھنے میں آ رہا ہے۔