85

حکومت نے کامیاب جوان پروگرام کی منظوری دے دی

Spread the love

اسلام آباد: وزیراعظم عمران خان کی زیر صدارت وفاقی کابینہ کا اجلاس ہوا جس میں کامیاب جوان پروگرام کی منظوری دے دی گئی۔

حکومت کی جانب سے کامیاب نوجوان پروگرام کے لیے 100 ارب روپے مختص کیے گئے ہیں، 10 لاکھ نوجوان اس پروگرام سے براہ راست مستفید ہوسکیں گے اور وزیراعظم کے نوجوانوں کو با اختیار بنانے کا مشن آگے بڑھے گا۔

وزیراعظم کی معاون خصوصی فردوس عاشق اعوان نے بریفنگ دیتے ہوئے بتایا کہ نوجوانوں کو قرضے ملنےسےنوکری کی تلاش سے بچ جائے گا اور اپنا کام کرے گا، بینک 6 فیصد سود پر ایک سے پانچ لاکھ تک کے قرضے دے گا اور نوجوان کو 10 فیصد ایکوٹی دینی ہوگی، مثلا 5 لاکھ قرض کے لیے 50 ہزار روپے ایکوٹی جمع کرانی ہوگی اور بینک 6 فیصد سود پر قرض دے گا، اسی طرح 5 سے 50 لاکھ پر قرض کے لیے ایکوٹی 20 فیصد ہے اور بینک 8 فیصد سود پر قرض دے گا۔

ضرور پڑھیں   شاہدخاقان عباسی کی گرفتاری ،شہبازشریف بھی میدان میں آگئے

معاون خصوصی کا کہنا تھا کہ مشیر خزانہ عبدالحفیظ شیخ نے ڈالرکی اونچی اڑان پر کابینہ کو بریفنگ دی اور ڈالر کی قیمت بڑھنے کے حوالے سے تلخ حقیقت بتائی، کابینہ نے عزم دہرایا کہ مشکل صورتحال سے نمٹنے میں عوام کی طاقت پر یقین ہے، ہفتے کو وہ طویل مدتی معاشی منصوبہ میڈیا پر جاری کریں گے، جس میں پچھلی حکومتوں کے معیشت پر خودکش حملوں سے آگاہ کیا جائے گا اور موجودہ حکومت کے معاشی منصوبوں پر بریفنگ دی جائے گی۔

اس خبر پر اپنی رائے کا اظہار کریں

اپنا تبصرہ بھیجیں