44

قابض اسرائیلی فوج کی فائرنگ سے حاملہ خاتون اور 14 ماہ کی بچی شہید

Spread the love

فلسطین میں قابض اسرائیلی فوج کی فائرنگ سے زخمی ہونے والی حاملہ خاتون اور ایک 14 ماہ کی بچی زخموں کی تاب نہ لاتے ہوئے شہید ہوگئی۔

بین الاقوامی خبر رساں ادارے کے مطابق قابض اسرائیلی فوج کی غزہ کی پٹی پر مظاہرین پر فائرنگ سے زخمی ہونے والی حاملہ خاتون اور ایک 14 ماہ کی بچی زخمیوں کی تاب نہ لاتے ہوئے آج خالق حقیقی سے جا ملے۔

غزہ کی پٹی پر جمعہ کے روز اپنے گھروں کو واپسی مہم کے تحت ہزاروں مظاہرین نے اسرائیلی سرحد کی جانب مارچ کیا اور اسرائیلی جارحیت کیخلاف شدید نعرے بازی کی جس پر اسرائیلی فوج نے مظاہرین کو براہ راست فائرنگ کا نشانہ بنایا تھا۔
دوسری جانب آج اسرائیلی فوج کی جانب سے دعویٰ کیا گیا ہے کہ غزہ کے علاقے سے اسرائیلی سرزمین پر متعدد میزائل داغے گئے جس کے نتیجے میں 58 سالہ اسرائیلی شہری اور 80 سالہ خاتون زخمی ہوئیں جس کے جواب میں اسرائیلی فضائیہ نے حماس کے ٹھکانوں کو نشانہ بنایا۔

واضح رہے کہ جمعہ کے روز اپنے گھروں کو واپسی مہم کے تحت 57 ویں مظاہرے کے دوران اسرائیلی فوج نے نہتے فلسطینیوں کو براہ راست گولیاں کا نشانہ بنایا تھا جس کے نتیجے میں 4 فلسطینی نوجوان شہید اور 50 سے زائد زخمی ہوگئے تھے۔

اس خبر پر اپنی رائے کا اظہار کریں

اپنا تبصرہ بھیجیں