سینیٹ میں جبری لاپتہ افراد سے متعلق قرارداد متفقہ طور پر منظور

اسلام آباد: ایوان بالا میں جبری لاپتہ افراد سے متعلق قراردادِ مذمت متفقہ طور پر منظور کرلی گئی۔

پیپلزپارٹی کے سینیٹر میاں رضا ربانی نے جبری طور پر لاپتہ افراد کے حوالے سے قرارداد پیش کی جسے متفقہ طور پر منظور کرلیا گیا،قرارداد کے متن میں کہا گیا کہ یہ ایوان پاکستان سمیت دنیا بھر میں جبری گمشدگیوں کی مذمت کرتا ہے۔

قردارداد میں کہا گیا کہ جبری طور پر شہریوں کولاپتہ کرنا سنگین مسئلہ ہے، حکومت لاپتہ شہریوں کی بازیابی کے لیے اقدامات کرے اور لوگوں کو غائب کرنے والے گروہوں کے خلاف کارروائی کی جائے جب کہ جبری گمشدگیوں کے معاملے پر بین الاقوامی قوانین پر عملدرآمد کیا جائے۔

اس خبر پر اپنی رائے کا اظہار کریں

اپنا تبصرہ بھیجیں