گورنر پنجاب رفیق رجوانہ عہدے سے مستعفیٰ

لاہور: گورنر پنجاب رفیق رجوانہ نے اپنے عہدے سے استعفیٰ دیدیا۔

گورنر پنجاب رفیق رجوانہ نے لاہور ہائیکورٹ بار ایسوسی ایشن کا دورہ کیا اور بار کے عہدیداروں کے ساتھ ملاقات کی، اس موقع پر انہوں نے گورنر پنجاب کے عہدے سے مستعفیٰ ہونے کا اعلان کرتے ہوئے کہا کہ ان کی قیادت نے جس اعتماد کا اظہار کیا انہوں نے اس پر پورا اترنے کی کوشش کی۔

رفیق رجوانہ نے کہا کہ گورنر پنجاب کی حیثیت سے وکلا کے مسائل حل کرنے کی کوشش کی، بار میرا گھر ہے اور آج دوبارہ اپنے گھر واپس آگیا ہوں، کالا کوٹ پہن کے عملی زندگی کا آغاز کیا اور آج دوبارہ کالا کوٹ پہن لیا ہے۔

واضح رہے کہ اس سے قبل مسلم لیگ (ن) کی حکومت میں گورنر سندھ بننے والے محمد زبیر عمر نے عام انتخابات میں تحریک انصاف کی کامیابی کے بعد عہدے سے استعفیٰ دے دیا تھا جس کے بعد چیئرمین تحریک انصاف عمران خان نے کراچی سے پارٹی کے سینئر رہنما عمران اسماعیل کو گورنر سندھ بنانے کی منظوری دے دی ہے۔

اس خبر پر اپنی رائے کا اظہار کریں

اپنا تبصرہ بھیجیں