پاکستان نے کلبھوشن یادیو سے متعلق عالمی عدالت میں جواب جمع کرادیا

اسلام آباد: پاکستان نے بھارتی جاسوس کلبھوشن یادیو سے متعلق عالمی عدالت میں جواب جمع کرادیا ہے۔

سفارتی ذرائع کے مطابق بھارتی جاسوس کلبھوشن یادیو کے حوالے سے بھارتی اعتراضات پر پاکستان نے اپنا تحریری جواب عالمی عدالت میں جمع کرادیا ہے۔ پاکستان کی جانب سے 400 سے زائد صفحات پرمشتمل جواب ڈائریکٹر انڈیا کے عہدے پر فائز ڈاکٹرفریحہ بگٹی نے جمع کرایا۔

سفارتی ذرائع کے مطابق 400 سے زائد صفحات پر مشتمل پاکستانی جواب اٹارنی جنرل کی سربراہی میں ماہرین کی ٹیم نے مرتب کیا ہے جس میں بھارت کے تمام اعتراضات کے جوابات دئیے گئے ہیں۔ پاکستان کی جانب سے جواب الجواب میں یہ پہلا جواب ہے۔

پاکستان نے اس سے پہلے بھارتی دہشت گرد کمانڈر کلبھوشن یادیو کے کیس میں اپنا جواب 13 دسمبر 2017 کو جمع کرایا تھا۔

اس خبر پر اپنی رائے کا اظہار کریں

اپنا تبصرہ بھیجیں