ٹرمپ نے ایرانی صدر کو سنگین نتائج کی دھمکی دے دی

امریکی صدر ڈونلڈ ٹرمپ نے ایرانی صدر حسن روحانی کو خبردار کیا ہے کہ وہ امریکا کو دھمکی دینے سے باز رہیں ورنہ نتائج بھگتنے کے لیے تیار رہیں۔

امریکی میڈیا کے مطابق ایران کی جانب سے امریکا کودھمکی دینے کے بعد صدر ڈونلڈ ٹرمپ نے بھی ایران کو سنگین نتائج کی دھمکی دے دی۔

ٹرمپ نے اپنے ٹوئٹ میں جوابی طور پر سخت الفاظ استعمال کرتے ہوئے ایرانی صدر روحانی حسن روحانی کو براہ راست مخاطب کیا اور کہا کہ ایران نے آئندہ کبھی امریکا کو دھمکی دی تو سنگین نتائج بھگتنے کے لیے تیار رہے جیسا کہ تاریخ میں پہلے بھی ہوچکا ہے۔
ٹرمپ نے یہ دھمکی براہ راست ایرانی صدر حسن روحانی کو دی ہے جیسا کہ امریکی صدر کے ٹوئٹ میں دیکھا جاسکتا ہے۔

یاد رہے کہ ایرانی صدر حسن روحانی نے اتوار کو اپنے بیان میں کہا تھا کہ امریکا شیر کی دم سے نہ کھیلے ورنہ ایران سے ہونے والا تصادم ’’تمام جنگوں کی ماں ‘‘ ثابت ہوسکتا ہے۔

اس خبر پر اپنی رائے کا اظہار کریں

اپنا تبصرہ بھیجیں